លួចកង់គេបានសំរេចរត់មិនរួចសមត្ថកិច្ចនិងប្រជាការពារឬស្សីកែវឡោមព័ទ្ធឃាត់ខ្លួនវាយខ្នោះ
23-March-2016 | ដោយ មែន កំសត់
ភ្នំពេញ៖ ជនសង្ស័យម្នាក់បានធ្វើ សកម្មភាពលួចកង់បានសំរេចលុះម្ចាស់គេឃើញទាន់ស្រែកចោរៗសមត្ថកិច្ចនិងប្រជាការពារសង្កាត់ឬស្សីកែវដែលកំពុងល្បាតឡោមពទ្ធ័ ចាប់បានភ្លាមៗ។ ហេតុ ការណ៍ នេះកើតឡើងនៅវេលាម៉ោង ១១ និង១០នាទីយប់ថ្ងៃទី២២ខែមីនាឆ្នាំ២០១៦ ស្ថិតក្នងភូមិពោធិ៍ សារិនភូមិបឹងសាឡាង សង្កាត់ឬស្សីកែវ ខណ្ឌឫស្សីកែវ។
នាយប៉ុស្តិ៍ឬស្សីកែវលោក តូច គឹមសុងបានអោយដឹងថា ជនសង្ស័យមានឈ្មោះប្រាក់សុវណ្ណរឿន ភេទប្រុស អាយុ២៦ឆ្នាំ មានមុខរបរកម្មករលើកកាតុងតាមរោងចក្រ ស្នាក់នៅភូមិដើមខ្វិត សង្កាត់ទួលសង្កែ ខណ្ឌឫស្សីកែវ និង
មានស្រុកកំនើតនៅកោះឧញាតីសង្កាត់កោះដាច់ ខណ្ឌជ្រោយចង្វារ។
មេប៉ុស្តិ៍ឬស្សីកែវបានបន្តអោយ ដឹងទៀតថាជនរងគ្រោះនៅមុនពេលកើតហេតុបានទុកកង់ចតនៅមុខផ្ទះដូចសព្វដង ស្រាប់តែលេចជនសង្ស័យម្នាក់មិនដឹងមកពីណាបានមកជិតកង់ហើយធ្វើសកម្មភាពលួចកង់តែម្តង លុះជិះបានប្រហែល១០ម៉ែត្រម្ចាស់ក្រលេកមកទាន់បាត់កង់ពីមុខផ្ទះ ដោយឃើញជនសង្ស័យជិះចេញ ភ្លាមៗជនរងគ្រោះក៏បានដេញពីក្រោយស្រែកចោរៗ ស្របពេលដែលកំលាំងប្រជាការពារនិងសមត្ថកិច្ចកំពុងល្បាតបាននាំគ្នាពទ្ធ័ចាប់បានជនសង្ស័យភ្លាមៗ និងឃាត់ខ្លួនមកសាកសួរនៅប៉ុស្តិ៍ឬស្សីកែវតែម្តង។
តាមចំលើយជនសង្ស័យបានឆ្លើយសារភាពប្រាប់សមត្ថកិច្ចថារូបគេពិតជាបានធ្វើសកម្មភាពលួចកង់ពិតប្រាកដមែនដោយសារតែរូបគេគ្មានលុយចាយទើបឃើញឱកាសល្អចូលទៅយកកង់គេតែម្តងទៅ។
បច្ចុប្បន្នជនសង្ស័យត្រូវបានសមត្ថកិច្ចប៉ុស្តិ៍ឬស្សីកែវបញ្ជូនខ្លួនមកឃុំខ្លួនជាបណ្ដោះអាសន្ននៅអធិការដ្ឋាននគរបាលខណ្ឌឫស្សី សាកសួរបន្តនិងចាត់ការតាមនិតិវិធី៕
ចំនួនអ្នកទស្សនា
- ថ្ងៃនេះ9021
- ម្សិលមិញ15681
- សប្តាហ៍នេះ67861
- ខែនេះ89741
- ឆ្នាំនេះ89741
- សរុប20532197